• ᑐᓴᕋᑦᓭᑦ

< ᐅᑎᕈᑎᒃ ᐊᓪᓚᖁᑎᓄᑦ

ᐅᐱᕐ¯ᒍᑎᓪᓗᒍ/ᐊᐅᔭᐅᑎᓪᓗᒍ 2009-ᒥ, ᐊᕙᑕᐅᑉ ᐃᑦᓴᓂᑕᕐᓂᐊᑎᖁᑎᖏᑦ ᐃᑦᓴᓂᑕᕐᓂᐊᓂᕐᒥᒃ ᐃᓕᓐᓂᐊᑎᑦᓯᓂᖃᓚᐅᔪᕗᑦ ᐳᕐᑐᓂᕐᓴᒥ ᐃᓕᓐᓂᐊᑐᓂᒃ ᐃᕗᔨᕕᐅᑉ ᒥᑦᓵᓂ. ᖁᓕᓪᓗ ᒪᕐᕈᓘᑦ ᐃᓕᓐᓂᐊᑏᑦ ᐃᓚᐅᓚᐅᔪᔪᑦ ᑖᑦᓱᒧᖓ ᐱᓇᓱᐊᕐᑕᐅᔪᒧᑦ, ᓯᕗᓕᕐᑕᐅᓱᑎᒃ Susan Lofthouse-ᒧᑦ (ᓲᓴᓐ ᓛᕝᑦᖃᐅᔅ) (ᐊᕙᑕᐅᑉ ᐃᑦᓴᓂᑕᕐᓂᐊᑎᖁᑎᖓᓄᑦ). ᑲᔪᓯᑎᒐᓱᐊᕐᓱᒍ ᓄᓇᒥ ᐃᓕᓐᓂᐊᓂᕕᓂᖅ. ᐊᕙᑕᖅ ᑐᑭᑖᕐᑐᕕᓂᐅᓚᐅᔪᔪᖅ ᐅᐱᒍᓲᑎᑖᕐᑎᓯᓛᕐᓂᒥᓂᒃ ᐃᓚᖏᓐᓂᒃ ᐃᓕᓐᓂᐊᑎᑕᐅᔪᕕᓂᕐᓂᒃ ᐃᕗᔨᕕᒻᒥᐅᓂᒃ ᐱᓇᓱᐊᕐᑐᒪᕆᐅᖃᑦᑕᓚᐅᔪᒻᒪᑕ ᑲᖐᒋᔭᖃᑦᓯᐊᓱᑎᓗ ᐃᑦᓴᓂᑕᕐᓂᐊᓂᕐᒥᒃ ᐊᒻᒪᓗ ᓄᓇᕕᐅᑉ ᐱᐅᓯᕆᓯᒪᔭᖓᓂᒃ.

ᐊᕙᑕᐅᑉ ᑐᑭᑖᕐᓂᕕᓂᖓ ᓴᕐᕿᑎᑦᓯᓚᕿᓚᐅᔪᔪᖅ “ᐃᑦᓴᓂᑕᕐᓂᐊᑏᑦ ᐱᓇᓱᐊᕈᓯᖁᑎᖓᓂᒃ” (ᑖᓐᓇ ᑐᖓᓕᕆᓕᕐᑕᖓ), ᐊᑑᑎᓚᐅᔪᔪᒥᒃ ᒧᓐᑐᔨᐊᒥ ᑎᕆᓪᓗᓕᐅᑦ (ᐁᕆᓕ) 4-ᒥᑦ 10-ᒧᑦ. ᑕᓪᓕᒪᑦ ᐃᓕᓐᓂᐊᑏᑦ ᙯᕐᖁᔭᐅᓚᐅᔪᔪᑦ: ᒣᓇ ᐃᔦᑦᑐᖅ, ᒫᑯᓯ ᓇᓗᐃᔪᖅ, ᓕᕖᓇ ᑲᓈᕐᔪᐊᖅ, ᑑᒪᓯ ᐊᐅᑦᓚᓗᒃ ᓄᕝᕕᑎᐅᑉ ᐃᓕᓐᓂᐊᕕᖓᓂᒥᐅᑦ ᐊᒻᒪᓗ Roxanne Kristensen (ᕌᒃᓵᓐ ᒃᕆᔅᑎᓐᓴᓐ) ᐃᑯᓯᒃ ᐃᓕᓐᓂᐊᕕᖓᓂᒥᐅᖅ.

ᑐᕌᕐᓂᕆᓗᐊᓐᖑᐊᓚᐅᔪᔭᖓ ᑖᑦᓱᒪ ᐱᓇᓱᐊᕈᓯᖁᑎᒋᔭᐅᓚᐅᔪᔫᑉ ᑲᖐᓵᕆᑎᑦᓯᕙᓪᓕᐊᒐᓱᐊᕐᓱᓂ ᐃᓅᓱᑦᑐᓂᒃ ᐱᐅᓯᕐᓱᕈᑎᑦᑕ ᑲᔪᓯᓂᖓᓂᒃ ᐊᓯᐅᖏᓐᓇᑎᑦᓯᑌᓕᓂᕐᒧᑦ ᐊᒻᒪᓗ ᖃᐅᔨᑎᒍᒪᑦᓱᒋᑦ ᐊᑦᔨᒌᓐᖏᑐᓂᒃ ᐱᕕᑦᓴᖃᕐᒪᑦ ᐱᓇᓱᒐᕐᑖᓂᕐᒧᑦ. ᑕᑯᑎᒍᒪᓚᐅᔪᒻᒥᔭᕗᑦ ᓱᓇᓂᒃ ᐃᑦᓴᓂᑕᕐᓂᐊᓂᖅ ᐃᓚᖃᓲᒍᒻᒪ¯ᑦ ᓄᓇᒥ ᐃᑦᓴᓂᑕᕐᓂᐊᕇᕐᑐᕕᓂᐅᑐᐊᕐᒪᑕ ᐊᒻᒪᓗ ᓱᔭᐅᓲᒍᒻᒪ¯ᑕ ᐃᑦᓴᓂᑌᑦ ᓄᐊᑕᕕᓃᑦ, ᐃᓚᒋᔭᐅᑎᓪᓗᒋᑦ ᓱᕐᖁᐃᓯᒐᓱᐊᕐᕕᒥ ᐱᓇᓱᐊᕐᓂᐅᒋᐊᓖᑦ, ᓱᔪᐃᑦᑌᓕᒍᓰᑦ ᐊᒻᒪᓗ ᐊᓪᓚᖁᑎᓕᐅᕐᑕᐅᒋᐊᖃᕐᓂᖏᓐᓂᒃ ᐃᑦᓴᓂᑌᑦ ᐃᑦᓴᓂᑕᕐᓂᐊᑏᑦ ᑲᑎᕐᓱᐃᕕᖓᓐᓃᑐᑦ. Elsa Cencig (ᐃᐊᓪᓴ ᓯᐊᓐᓯᒃ) ᐊᒻᒪᓗ Pierre Desrosiers (ᐱᔦ ᑎᕉᓯᔦ) (ᐊᕙᑕᕐᒥᐅᒃ) ᑖᑦᓱᒥᖓ ᐱᓇᓱᐊᕐᑕᐅᔪᒥᒃ ᓯᕗᓕᓚᐅᔪᔫᒃ, ᐃᑲᔪᕐᑕᐅᓱᑎᒃ ᐊᓐᑦᔫ ᐸᐱᑲᑦᑐᒧᑦ (ᐊᕙᑕᕐᒥᐅᒍᒻᒥᔪᒧᑦ). Pauline Tremblay (ᐹᓖᓐ ᑦᕌᒻᑉᓓ) (ᐃᓕᓐᓂᐊᑎᑦᓯᔨ ᑲᑎᕕᒃ ᐃᓕᓐᓂᐊᓂᓕᕆᔨᒃᑯᓂ) ᐃᑉᐱᒍᓱᑦᑎᐅᓚᐅᔪᔪᖅ ᑖᒃᑯᓂᖓ ᐃᒻᒥᒎᕐᑎᑐᓂᒃ. ᐃᓕᓐᓂᐊᑏᑦ ᐳᓛᕆᐊᖃᑦᑕᓚᐅᔪᔪᑦ ᐊᒥᓱᑲᓪᓚᓄᑦ ᐃᓗᕐᕈᓯᓕᕆᕕᓐᓄᑦ, ᐃᓚᐅᑎᓪᓗᒋᑦ ᐊᕙᑕᐅᑉ ᐊᓪᓚᕕᖓ ᐊᒻᒪᓗ ᐊᒥᓱᒐᓛᑦ ᑕᑯᔭᕐᑐᕖᑦ ᐃᓕᓐᓂᐊᕖᓪᓗ.

ᐃᓕᓐᓂᐊᑏᑦ ᐱᒋᐊᕐᑎᑕᐅᒋᐊᓐᖓᓚᐅᔪᔪᑦ ᓱᕐᖁᐃᓯᒐᓱᐊᕐᕕᒥ ᐱᓇᓱᐊᕐᑎᑕᐅᑦᓱᑎᒃ ᐊᒻᒪᓗ ᓱᔪᐃᑦᑌᓕᒍᓯᕐᒥᒃ ᐱᐅᓯᕐᓱᕈᑎᑦᑎᓂᒃ ᑲᔪᓯᔪᓂᒃ ᑕᑯᔭᕐᑐᕖᑦ ᑕᑯᓐᓇᑕᖏᑎᒍᑦ CDCM-ᒥ (ᑖᓐᓇ ᓄᓇᕕᒻᒥᐅᑉ ᐃᑦᓴᓂᑕᖁᑎᖏᓐᓂᒃ, ᓴᓇᓐᖑᐊᓯᒪᔭᖏᓐᓂᒃ, ᐊᓪᓚᖑᐊᕐᓯᒪᔭᖏᓐᓂᒃ, ᐊᑦᔨᖑᐊᖁᑎᑐᖃᖏᓐᓂᒃ, ᐱᓇᓱᐊᕐᓯᒪᔭᖏᓐᓂᓗ ᓴᓂᕐᕓᓯᒪᕕᖓ). Julie-Anne Tremblay (ᔫᓕ-ᐋᓐ ᑦᕌᒻᑉᓓ) ᐊᒻᒪᓗ Caroline Simard (ᑲᕈᓖᓐ ᓯᒫᕐ) (ᐊᕙᑕᕐᒥᐅᒃ) ᕿᒥᕐᕈᑎᑦᓯᓚᐅᔪᔫᒃ ᐃᓅᓱᑦᑐᓂᒃ ᐊᑦᔨᒌᓐᖏᑐᓂᒃ ᓄᐊᑕᐅᒪᐅᔪᓂᒃ ᐃᓕᓐᓂᐊᑎᑲᓪᓛᐱᑦᓱᒋᓪᓗ ᖃᓄᖅ ᐃᑦᓴᓂᑌᑦ ᓱᔪᑎᑕᐅᑦᑌᓕᓲᒍᒻᒪ¯ᑕ. ᐃᓅᓱᑦᑐᐃᑦ ᑕᑯᒍᓐᓇᓯᑦᓯᐊᓚᐅᔪᔪᑦ ᓄᐊᑕᐅᒪᔪᑦ ᐊᑦᓱᐃᑑᓂᖏᓐᓂᒃ, ᐊᕙᑎᓗ ᑕᓪᓕᒪᓪᓘᓂ ᐊᕐᕌᒍᕐᓂ ᖃᐅᔨᓴᕐᑕᐅᓯᒪᔪᓂᒃ. ᑕᑯᒍᓐᓇᓯᓚᐅᔪᒻᒥᔪᐊᓪᓛᑦ ᓯᕗᓪᓕᐹᑦᓯᐊᕕᓂᕐᓂᒃ ᑕᑯᒋᓀ-ᑯᑦ ᐆᒪᔪᓐᖑᐊᖁᑎᕕᓂᖏᓐᓂᒃ!

ᐃᓅᓱᑦᑐᐃᑦ ᐳᓚᕋᓚᐅᔪᒻᒥᔪᑦ ᐊᕙᑕᕐᒦᑐᓂᒃ ᐊᓪᓚᕕᓐᓂᒃ ᐅᐃᐊᔅᑦᒪᐅᓐᑦ-ᒦᑦᑐᓂᒃ, ᑌᑲᓂ ᐳᓛᕆᐊᓚᐅᔪᒻᒥᔪᑦ ᐃᑦᓴᓂᑕᕐᓂᐊᑏᑦ ᓱᕐᖁᐃᓯᒐᓱᐊᕐᕕᖓᓂᒃ, ᖃᐅᔨᑎᑕᐅᑲᓪᓛᐱᒻᒥᓱᑎᒃ ᐱᓇᓱᐊᕐᑕᐅᓯᒪᔪᓂᒃ ᑲᑎᕐᓱᐃᕕᒻᒦᑐᓂᒃ, ᐁᑦᑐᑕᐅᑦᓱᑎᓗ ᐃᓚᒥᑕ ᐊᓪᓚᓯᒪᔭᐅᒍᑎᖏᓐᓂᒃ. ᐊᒻᒪᓗᒋᐊᓪᓚᒃ, ᑖᒃᑯᐊ ᐃᓅᓱᑦᑐᐃᑦ ᐳᓛᕆᐊᕐᑎᑕᐅᓚᐅᔪᔪᑦ ᒪᕐᕉᓄᑦ ᑕᑯᔭᕐᑐᕖᓐᓄᑦ: McCord Museum (ᒪᑯᐊᑦ ᑕᑯᔭᕐᑐᕕᖓ) (ᒧᓐᑐᔨᐊᒦᑦᑐᖅ) ᐊᒻᒪᓗ Canadian Museum of Civilisation ᑲᓇᑕᐅᑉ ᑕᑯᔭᕐᑐᕕᖁᑎᖓ ᓄᓇᕐᔪᐊᒥᐅᓕᒫᓄᐊᖓᔪᖅ (ᐋᑐᕙᒦᑦᑐᖅ), ᑌᑲᓂ ᐃᓕᒃᑰᑐᒥᒃ ᐊᕐᕕᑕᕐᑎᑕᐅᓚᐅᔪᔪᑦ ᑕᑯᓂᐊᕋᕐᑎᑕᐅᑦᓱᑎᒃ ᑕᑯᔭᕐᑐᕕᓐᓂ ᑲᒪᔨᓄᑦ. ᐃᓕᓐᓂᐊᑏᑦ ᑕᑯᒍᓐᓇᓯᓚᐅᔪᒻᒥᔪᑦ ᐊᔪᒉᑦᑐᖑᐊᓂᒃ ᐃᑦᓴᓂᑕᕐᓂᒃ ᓇᐅᓕᒫᓄᑦ ᑕᑯᔭᐅᑎᑕᐅᓲᒍᓐᖏᑐᓂᒃ. ᐳᓛᕆᐊᕐᓂᖅ ᐱᕈᕐᓰᕕᒻᒥᒃ Botanical Gardens-ᒥᒃ ᒧᓐᑐᔨᐊᒦᑦᑐᒥᒃ ᐊᑐᐃᓐᓇᕈᕐᑎᑕᕕᓂᐅᓚᐅᔪᒻᒥᔪᖅ ᐃᓚᐅᑎᓪᓗᒍ Alain Cuerrier (ᐊᓓᓐ ᑯᐃᔭᕃ) (ᐱᕈᕐᑐᓂᒃ ᓱᑯᐃᔦᔨ), ᑖᓐᓇ ᐅᖄᓚᐅᔪᔪᖅ ᑕᕐᕋᒥ ᐱᕈᕐᑐᑦ ᓱᑯᐃᔭᕐᑕᐅᒍᓐᓇᓂᖏᓐᓂᒃ ᐃᓚᒋᓕᐅᑎᓯᒪᓂᖏᓐᓂᓗ ᐱᐅᓯᑐᖃᕐᑎᒍᑦ ᖃᐅᔨᒪᐅᓯᕐᓄᑦ, ᐃᓚᐅᑎᓪᓗᒋᑦ ᐊᑦᔨᒌᓐᖏᑐᑦ ᖃᓄᐃᑦᑐᓗᑐᐊᐱᐅᓂᖏᑦ ᓄᓇᕕᒻᒥ ᐱᕈᕐᑐᑦ.

ᐳᓛᕆᐊᕐᓂᓴᖅ Collège Marie-Victorin-ᒧᑦ (ᓯᓚᑦᑐᓴᕐᕕᒧᑦ) ᐊᑐᐃᓐᓇᕈᕐᑎᑕᕕᓂᐅᓚᐅᔪᒻᒥᔪᖅ. ᑖᒃᑯᐊ ᑕᓪᓕᒪᑦ ᐃᓅᓱᑦᑐᐃᑦ ᑌᑯᓐᖓᕋᒥᒃ ᑕᑯᓂᐊᕐᑕᐅᓚᐅᔪᔪᑦ Lysanne Lacoste-Guyon-ᒧᑦ (ᓖᓵᓐ ᓚᑳᔅᑦ-ᑮᔫᓐ) ᐃᓕᓐᓂᐊᑎᖏᓐᓄᓗ, ᓖᓴ-ᓗᐃ ᐃᑦᑐᑲᓪᓚᒃ, ᓲᓴᓐ ᓄᓗᑭ, ᑳᓓ ᑐᓗᒐᖅ ᐊᒻᒪᓗ ᔫᓯ ᐊᒫᒪᑦᑐᐊᖅ, ᑖᒃᑯᐊ ᓯᓚᑦᑐᓴᕐᕕᒥ ᖃᐅᔨᓯᒪᓕᕐᑕᒥᓂᒃ ᐅᓂᒃᑲᐅᔨᓚᐅᔪᔪᑦ ᐊᒻᒪᓗ ᑕᑯᓂᐊᕋᕐᑎᓯᑦᓱᑎᒃ ᓯᓚᑦᑐᓴᕐᕕᓕᒫᒥᒃ. ᑭᖑᓪᓕᐹᒥ, ᒪᑭᓪ ᐃᓕᓐᓂᐊᕕᕐᔪᐊᖓᓂᒃ ᐳᓛᕆᐊᕐᓂᓴᖅ ᐊᑐᐃᓐᓇᕈᕐᑎᑕᐅᓚᐅᔪᔪᖅ Susan Lofthouse-ᒧᑦ (ᓲᓴᓐ ᓛᕝᑦᖃᐅᔅ). ᐃᓕᓐᓂᐊᑏᑦ ᐳᓛᕆᐊᓚᐅᔪᔪᑦ ᓯᓚᑦᑐᓴᕐᕕᒥᒃ ᑕᑯᓂᐊᕋᕐᓱᑎᓪᓗ ᐊᑦᔨᒌᓐᖏᑐᓂᒃ ᐃᑦᓴᓂᕐᑕᓂᐊᑏᑦ ᓱᕐᖁᐃᓯᒐᓱᐊᕐᕕᒋᓲᖏᓐᓂᒃ (ᐃᓚᐅᑎᓪᓗᒋᑦ Zooarchaeology Lab, Arctic Archaeology Lab, Primate Research Lab, Andean Archaeology Lab and Human Evolution Lab) ᑖᒃᑯᓇᓃᑦᓱᑎᒃ ᑲᑎᓯᖃᑦᑕᓚᐅᔪᔪᑦ ᐊᒥᓱᓂᒃ ᐃᑦᓴᓂᑕᕐᓂᐊᒥ ᐃᓕᓐᓂᐊᑎᑦᓯᔨᒻᒪᕆᓐᓂᒃ ᐃᓕᓐᓂᐊᕇᕐᐸᓕᐊᓕᕐᑐᓂᓪᓗ.

ᐊᓱᐃᓛᒻᒪᕆᒃ, ᑐᕌᕐᓂᕆᓗᐊᓐᖑᐊᓚᐅᔪᔭᖓ ᑖᑦᓱᒪ ᐱᓇᓱᐊᕐᑕᐅᔫᑉ ᑕᑯᑎᑦᓯᑐᐃᓐᓇᕈᓐᓀᓗᑎᒃ ᐃᓕᓐᓂᐊᑎᓂᒃ ᓱᔭᐅᓲᒍᒻᒪ¯ᑕ ᐃᑦᓴᓂᑌᑦ ᑎᒍᔭᕕᓂᐅᒌᑐᐊᕋᒥᒃ ᓄᓇᒥᑦ, ᑭᓯᐊᓂᓗᑦᑕᐅᖅ ᖃᐅᔨᑎᑦᓱᒋᑦ ᐊᑦᔨᒌᓐᖏᑐᓂᒃ ᐊᕐᖁᑎᒋᒍᓐᓇᑕᖏᓐᓂᒃ ᐊᑐᐃᓐᓇᐅᓱᑎᒃ ᐃᑦᓴᓂᑕᕐᓂᐊᓂᕐᒥ ᐊᑦᔨᐸᓱᖏᓐᓂᓗ, ᐊᒻᒪᓗ ᑕᑯᑎᑦᓱᒋᑦ ᐃᓅᓯᕐᒥᒃ ᐃᓪᓗᒐᓱᐊᕐᔪᐊᓂ ᒧᓐᑐᔨᐊᒦᑦᑐᑎᑐᑦ. ᓴᐳᑦᔭᐅᒪᑦᓱᓂ ᒪᑭᕝᕕᒧᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᓗ, ᐃᑦᓴᓂᑕᕐᓂᐊᑏᑦ ᐱᓇᓱᐊᕈᓯᖁᑎᖓᑕ ᐱᓇᓱᐊᕐᑕᐅᓂᖓ ᓄᑖᒍᑦᓱᓂ ᐃᓕᓐᓂᐊᑎᑦᓯᒍᑎᑦᓴᖑᓚᐅᔪᔪᕗᖅ ᖁᕝᕙᑎᑦᓯᒋᐊᕈᑕᐅᒐᔭᕐᓗᓂ ᑫᓪᓗᑐᐃᒍᑕᐅᒐᔭᕐᓗᓂᓗ ᐃᓅᓱᑦᑐᓂᒃ ᐃᓚᐅᕙᖁᓪᓗᒋᑦ ᐊᓯᐅᖏᓐᓇᑎᑕᐅᑦᑌᓕᓂᖏᓐᓄᑦ ᐃᓄᐃᑦ ᐱᐅᓯᕆᓯᒪᔭᖏᑦ. ᐃᓕᑦᓯᓕᐅᒥᓚᐅᔪᔪᑦ ᐱᐅᓯᑐᖃᕐᒥᓂᒃ ᑲᔪᓯᔪᒥᒃ, ᐊᒻᒪᓗ ᐱᕕᑦᓴᐅᒍᓐᓇᕋᔭᕐᑐᓂᒃ ᐊᑐᐃᓐᓇᐅᑎᑕᐅᓲᓂᒃ ᐃᓕᓐᓂᐊᑐᓂ ᐊᕐᖁᑎᒋᒍᓐᓇᕋᔭᕐᑕᖏᓐᓂᓗ ᐃᑦᓴᓂᑕᕐᓂᐊᑎᓐᖑᕈᒪᑦᓴᓂᕈᑎᒃ.