ᐊᕐᕖᒃ! ᐊᕐᕕᓂᐊᕐᓂᖅ
ᑭᓇᒨᒻᒪ¯ᑦ Sylvie Côté Chew
ᕿᒥᕐᕈᐊᖅ ᓂᐅᕕᐊᕆᔭᐅᒍᓐᓇᓕᕐᒥᔪᖅ!
ᖃᕆᑕᐅᔭᑎᒍᑦ ᐅᓇ ᑕᑯᓇᓱᐊᕐᓗᒍ: PublicationsNunavik.com
ᒪᙯᕕᒋᓲᑦᑕ ᐃᓚᖏᓐᓂ ᑕᑯᓲᒍᖏᓐᓇᖁᒍᑦ ᐊᒥᓱᐊᓗᓂᒃ ᐊᕐᕕᕕᓃᑦ ᓴᐅᓂᖏᓐᓂᒃ. ᐅᓂᒃᑳᑕᐅᔪᓂᒃ ᑐᓴᕐᓯᒪᔪᖓ ᖃᓄᖅ ᐃᓄᐃᑦ ᑲᑎᓲᒍᓐᓂᒪᖔᑕ ᐊᕐᕕᓂᐊᓛᓕᕋᒥᒃ. ᐃᓄᐃᑦ, ᓱᒐᓗᑦᑐᖅ ᐅᐃᒡᒐᓃᑦ, ᕿᒪᑦᑕᐅᓂᑰᑦᓱᑎᒃ ᓄᓇᑐᕐᓕᐅᑉ ᐃᓗᐊᓂ ᐃᓐᖏᓗᑦᑖᓲᕕᓃᑦ ᐅᑕᕐᕿᓂᕐᒥᓂ ᐊᖑᑎᓂᒃ ᐊᕐᕕᓂᐊᕆᐊᕐᓯᒪᔪᓂᒃ. ᐊᑕᐅᓯᖅ ᐃᓐᖏᓗᑦᑖᕈᓯᑐᖃᖅ ᐃᒣᓕᔪᖅ: ᒪᑦᑕᖅ ᑎᖓᐅᔮᕐᑐᑦ ᓂᐱᓐᖓᓲᖑᒐᒥ ᐅᔭᕋᕐᓄᑦ. ᔫᓯᐱ ᓇᑉᐹᓗᒃ, ᒪᑉᐱᑐᒐᖅ 139-ᒥ.
ᐊᕐᕖᒃ! ᐊᕐᕕᓂᐊᕐᓂᖅ
ᓯᕗᓪᓕᐹᒥᒃ ᐊᕐᕕᓂᐊᕐᓂᖃᓚᐅᔪᑎᓪᓗᒍ ᓄᓇᕕᒻᒥᐅᑦ ᐊᕐᕕᓂᐊᕈᓐᓇᓂᕋᕐᑕᕕᓂᐅᑎᓪᓗᒋᑦ 100 ᐅᖓᑖᓅᕐᑐᑦ ᐊᕐᕌᒍᐃᑦ ᓈᓯᒪᓕᕐᑎᓗᒋᑦ ᑭᖑᓪᓕᐹᒥ ᐊᕐᕕᓂᐊᓂᖃᓚᐅᕐᑐᕕᓕᐅᑎᓪᓗᒍ, ᑖᓐᓇ ᐊᖏᔪᑲᓪᓚᒃ ᕿᒥᕐᕈᐊᖅ ᑕᐅᑦᑐᖃᕐᓱᓂ ᑕᑯᑎᑦᓯᔪᖅ ᐃᓗᕐᕈᓯᑐᖃᕐᑎᒎᑉᑐᓂᒃ, ᐃᓅᖃᑎᒌᑦᑐᓂᒃ ᓱᑯᐃᔦᓂᑎᒎᕐᑐᓂᒃ, ᐱᐅᓯᐅᓯᒪᔪᕐᑎᒎᕐᑐᓂᒃ, ᓄᓇᕐᔪᐊᓕᒫᒥ ᓄᓇᓐᖑᐊᓕᕆᓂᑎᒎᕐᑐᓂᒃ ᐊᓂᕐᑎᕆᔪᓕᒫᑎᒎᕐᑐᓂᒃ ᐊᓪᓚᓯᒪᔪᕐᑕᓕᒃ ᐊᕐᕕᓂᐊᕐᓂᐅᓚᐅᔪᔪᒨᓕᖓᔪᓕᒫᑦᓯᐊᓂᒃ.
ᐊᑐᐊᒐᓕᐅᕐᑐᕕᓃᑦ ᖃᐅᔨᓴᕐᓱᑎᒃ ᖃᐅᔨᔭᕕᓂᖏᑦ ᐊᖏᔪᐊᓘᕗᑦ ᑕᑯᑎᑦᓯᓱᑎᒃ ᐊᒥᓱᒐᓛᓂᒃ ᐊᕐᕕᓂᐊᕐᓂᒨᓕᖓᔪᓂᒃ ᐅᓪᓗᒥᒧᑦ ᖃᐅᔨᒪᔭᐅᒐᓱᐊᕐᐸᓂᑦᔭᖏᑦᑐᓂᒃ.
ᐊᕙᑎᑦ ᐱᖓᓱᑦ ᐅᖓᑖᓅᕐᑐᑦ ᐊᑦᔨᖑᐊᑦ ᑕᑯᑎᑦᓯᓯᐊᕐᑐᑦ ᐊᕐᕕᓂᐊᓛᕐᑐᑦ ᐊᑐᐃᓐᓇᕈᕐᑎᓂᖏᓐᓂᒃ, ᐅᑕᕐᕿᐅᓂᖏᓐᓂᒃ ᒪᓕᓐᓂᖏᓐᓂᒃ ᐊᕐᕕᕋᓱᐊᕐᓂᖏᓐᓂᓗ, ᑕᑯᑎᑦᓯᒥᑦᓱᑎᒃ ᖃᓂᑕᕇᒻᒪᕆᐅᓂᖏᓐᓂᒃ ᓄᓇᕕᒻᒥ ᓄᓇᓕᒻᒥᐅᑦ ᒪᙯᓐᓂᖅ ᐊᑐᕐᑐᓚᕆᐅᑦᓱᓂ ᖃᓄᐃᓐᖏᓯᐊᕐᓇᑑᑦᓱᓂᓗ ᐅᓪᓗᒥᐅᓕᕐᑐᖅ ᐃᓅᓯᕐᒧᑦ ᐃᓚᐅᒻᒪᑦ.
ᐃᓄᓕᒫᓄᑦ ᐊᑐᐊᕐᓯᓲᓄᑦ, ᑖᓐᓇ ᕿᒥᕐᕈᐊᖅ ᐱᕕᖃᕐᑎᓯᔪᖅ ᐃᓄᐃᑦ ᐃᓕᑦᓯᓕᐅᒥᒐᔭᕐᓂᖏᓐᓂᒃ ᐊᔪᒉᑦᑑᓱᓂ ᐃᓄᐃᑦ ᐃᓗᕐᕈᓯᖓᓂᒃ ᑐᑭᓯᑎᑦᓯᓕᐅᒥᑦᓱᓂᓗ ᖃᐅᔨᒪᔭᐅᑦᓯᐊᑲᓵᓐᓂᖏᑦᑐᓂᒃ ᖃᐅᔨᒪᔭᐅᒋᐊᖃᕐᓱᑎᒃ ᑲᓇᑕᐅᑉ ᐅᑭᐅᕐᑕᑐᖓᑕ ᐱᐅᓯᕆᓯᒪᔭᖓᓄᑦ. ᐃᓅᖃᑎᑦᑎᓄᑦ, ᑖᓐᓇ ᕿᒥᕐᕈᐊᖅ ᑕᑯᑎᑦᓯᒐᓱᐊᒻᒪᕆᑦᑐᖅ ᐃᓄᐃᑦ ᑲᑦᓱᙰᑦᑐᒪᕆᐅᓂᖏᓐᓂᒃ ᓴᐱᕐᑌᑑᓂᖏᓐᓂᓗ. ᑖᓐᓇ ᕿᒥᕐᕈᐊᖅ ᐃᕐᙯᑎᑦᓯᒍᑕᐅᒋᐊᕐᑐᖅ ᐱᒻᒪᕆᐅᓂᖓᓂᒃ ᐃᕐᖃᐅᒪᒐᑦᓴᐅᓱᓂ ᐊᕐᕕᓂᐊᕐᓂᕕᓂᐅᑉ, ᐊᒻᒪᓗ ᖃᐅᔨᒋᐊᕐᕕᐅᖃᑦᑕᓛᖁᑦᓱᒍ ᑭᖑᕚᑦᓴᑎᓐᓄᑦ.
Fréchette, Robert, ᐃᓂᓪᓓᔨ, ᐊᕐᕖᒃ! ᐊᕐᕕᓂᐊᕐᓂᖅ,, Publications Nunavik TM, Westmount, Québec, 2013, 216 pp. ᕿᒥᕐᕈᐊᖅ ᖃᓪᓗᓈᑎᑑᕐᑐᖅ ᐃᓄᒃᑎᑑᕐᑐᖃᒐᓛᐱᑦᓱᓂ. ISBN 978-2-921644-87-7
ᐊᑭᖓ : $95.00
ᐊᓪᓚᓯᒪᔪᕐᑕᖏᑦ
ᕿᒥᕐᕈᐊᑉ ᒥᑦᓵᓄᑦ - ᓵᓕ ᐋᕐᖓᖅ
ᐱᒋᐊᕐᓂᓕᒍᑎᒃ - Daniel Francis
ᓯᕗᓪᓕᖓᓂ : ᐊᑐᐊᒐᓕᐊᒍᓯᒪᔪᑦ
ᐊᕐᕖᑦ ᖃᓄᐃᓕᖓᓂᖏᑦ : ᓀᓪᓕᑎᕐᓯᒪᔪᑦ ᖃᐅᔨᒪᐅᓰᑦ ᖃᐅᔨᔭᐅᕐᖃᒦᓪᓗ - Thomas Doniol-Valcroze ᐊᒻᒪᓗ Mike Hammill
ᖃᓪᓗᓈᖃᓚᐅᕐᑎᓇᒍ ᖃᓪᓗᓈᖃᓕᕐᑎᓗᒍᓗ ᐊᕐᕕᓂᐊᕐᓂᐅᓲᕕᓂᖅ ᑲᓇᑕᒥ ᐅᑭᐅᕐᑕᑑᑉ ᐅᐊᓐᓂᖓᓂ - Susan Lofthouse
ᐃᓄᐃᑦ ᑲᓇᑕᒥ ᐅᑭᐅᕐᑕᑑᑉ ᐅᐊᓐᓂᖓᓂᒥᐅᑦ ᐊᕐᕕᓂᐊᕐᓂᕆᓲᖏᑦ : ᐊᕙᑎᓗ ᖁᓕᓪᓘᓂ ᐊᕐᕌᒍᕐᓂ ᐅᓇᒻᒥᓇᕐᑑᓲᑦ (1978–2008) - ᐱᕐᓈ
“ᐅᑎᕐᐳᒍᑦ ᓯᕗᓕᕆᓚᐅᔪᔭᑦᑎᓄᑦ”: ᐃᓄᐃᑦ ᐊᕐᕕᓂᐊᕐᓂᕆᓲᖏᑦ ᑲᓇᑕᒥ ᐅᑭᐅᕐᑕᑑᑉ ᐅᐊᓐᓂᖓᓂ - Frédéric B. Laugrand ᐊᒻᒪᓗ Jarich G. Oosten
ᑐᖓᓕᖓᓂ: ᐊᕐᕕᕋᓱᐊᕐᓂᖅ
ᐊᐱᕐᓱᑐᕕᓃᒃ ᐊᑦᔨᓕᐅᕆᑦᓱᑎᓗ - ᐳᑐᓕᒃ ᐃᓕᓰᑦᑐᖅ ᐊᒻᒪᓗ Robert Fréchette
ᐊᕐᕕᕋᓱᐊᕐᓂᐅᑉ ᒥᑦᓵᓄᑦ ᐅᖄᔪᖅ - Stas Olpinski
ᑲᓇᑕᒥ ᐃᒪᕐᐱᓕᕆᔩᑦ ᐊᖏᓐᓂᖏᑦ ᐊᕐᕕᓂᐊᕈᒪᔪᓂᒃ - Viviane Haeberlé ᐊᒻᒪᓗ Danielle Baillargeon
ᑕᑯᒋᐊᑦᓯᐊᓂᖅ ᐊᕐᕕᓂᐊᕐᓂᐅᓚᐅᔪᔪᒥᒃ - Robert Fréchette
ᐃᓱᓕᒋᐊᕈᑎᒃ - ᓖᓴ ᖁᐱᕐᕈᐊᓗᒃ
ᑮᓇᐅᔭᑎᒍᑦ ᐃᑲᔪᕐᓯᒪᔪᕕᓃᑦ
