ᑐᓴᕋᑦᓭᑦ
ᑐᓴᕋᑦᓴᓕᒫᑦᐊᐅᒫᒡᒌᕕᒃ ᓄᓇᕕᒻᒥ ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᓪᓚᖑᐊᕐᑏᑦ ᐊᑐᐊᒐᓕᐅᕐᑏᓗ ᑐᕐᖃᑕᕐᕕᖓ
ᑐᓐᖓᓱᒋᑦ ᐊᐅᒫᒡᒌᕕᐅᑉ ᓄᓇᕕᒻᒥ ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᓪᓚᖑᐊᕐᑏᑦ ᐊᑐᐊᒐᓕᐅᕐᑏᓗ ᑐᕐᖃᑕᕐᕕᖓᓐᓄᑦ!
2009 ᐅᐱᕐᖓᓴᖓᓂ, ᐊᕙᑕᖅ ᐱᐅᓯᑐᖃᓕᕆᕕᒃ ᓇᑉᐯᓚᐅᔪᕗᖅ ᓄᑖᒥᒃ ᐱᒍᑦᔨᕕᒻᒥᒃ ᐊᑎᖃᓕᒻᒥ ᐊᐅᒫᒡᒌᕕᒻᒥᒃ, ᑖᓐᓇ ᓄᓇᕕᒻᒥᐅᑦ ᓴᓇᓐᖑᐊᑏᑦ, ᐃᓐᖏᖑᐊᕐᑏᑦ, ᐊᓪᓚᖑᐊᕐᑏᑦ ᐊᑐᐊᒐᓕᐅᕐᑏᓗ ᑐᕐᖃᑕᕐᕕᖓ. ᐱᒋᐊᕐᑎᑕᐅᓚᕿᑦᓱᓂ ᑮᓇᐅᔭᖃᕐᑎᑕᐅᓂᑯᒥᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓐᓄᑦ, ᑲᑎᕕᒃ ᓄᓇᓕᓐᓂ ᐱᕙᓪᓕᐊᑎᑦᓯᔨᖏᓐᓄᑦ, ᒪᑭᕝᕕᒃ ᑯᐊᐳᕇᓴᒧᑦ ᐊᒻᒪᓗ ᑯᐯᒻᒥ ᐃᓕᓐᓂᐊᕕᕐᔪᐊᑦ ᓄᓇᓖᓪᓗ ᐱᓇᓱᖃᑎᒌᓐᓂᕆᓲᖓᓄᑦ, ᐊᐅᒫᒡᒌᕕᒃ ᓴᕐᕿᑎᑕᐅᓚᕿᓯᒪᕗᖅ ᖃᐅᔨᔭᐅᑎᑦᓯᕙᓪᓕᐊᒐᓱᐊᕐᓂᒥᒃ ᐱᕙᓪᓕᐊᔭᐅᓂᖓᓂᒃ ᓄᓇᕕᒻᒥ ᓴᓇᓐᖑᐊᓂᐅᑉ, ᐃᓐᖏᖑᐊᕐᓂᐅᑉ, ᐊᓪᓚᖑᐊᕐᓂᐅᑉ ᐊᑐᐊᒐᓕᐅᕐᓂᐅᓗ, ᑫᓪᓗᑐᐃᒐᓱᐊᕐᓱᓂᓗ ᑮᓇᐅᔭᓕᐅᕋᓱᐊᕐᓂᒧᑦ ᐱᕙᓪᓕᐊᓂᕐᒥᒃ ᓴᕐᕿᑎᑦᓯᓗᓂᓗ ᐊᑯᓃᕐᑐᑎᒍᑦ ᐱᓇᓱᒐᐅᒍᓐᓇᑐᓂᒃ ᓄᓇᕕᒻᒥ ᓴᓇᓐᖑᐊᓂᕐᓂ, ᐃᓐᖏᖑᐊᕐᓂᓂ, ᐊᓪᓚᖑᐊᕐᓂᓂ ᐊᑐᐊᒐᓕᐅᕐᓂᓂᓗ ᐊᒻᒪᓗ ᐱᐅᓯᑐᖃᕐᓅᓕᖓᔪᓂᒃ.
ᐊᐅᒫᒡᒌᕕᒃ - ᐃᓄᒃᑎᑑᕐᓱᓂ ᐊᑎᕆᔭᐅᔪᖅ ᐃᒫᒃ ᑐᑭᖃᕐᓱᓂ: "ᐊᐅᒫᐱᐅᑉ ᐱᒋᐊᕐᓂᓕᒍᑎᖓ" - ᓴᐳᑦᔨᓯᒪᓲᖅ ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᓪᓚᖑᐊᕐᑎᓂᒃ ᐊᑐᐊᒐᓕᐅᕐᑎᓂᓗ ᖃᓄᑐᐃᓐᓇᓕᒫᑦᓯᐊᖅ ᐱᓇᓱᐊᕈᒪᔭᖏᓐᓂᒃ (ᑕᑯᒥᓇᕐᑐᓕᐅᕐᓂᖅ, ᑐᓴᕐᓂᔮᕐᑎᓯᓂᑎᒍᑦ, ᑕᑯᓐᓇᕋᑦᓴᓕᐅᕐᓂᑎᒍᑦ ᑕᑯᒥᓇᕐᑐᓕᐅᕐᓂᖅ, ᐊᑐᐊᒐᓕᐅᕐᓂᖅ, ᐅᓂᒃᑳᑐᐊᕐᓂᖅ, ᐊᓯᖏᓪᓗ.) ᖁᕝᕙᑎᒋᐊᕐᐸᓱᒋᑦ ᑕᒪᑐᒨᓇ ᐱᓇᓱᐊᕐᓂᕆᓲᖏᑦ ᑕᑯᒥᓇᕐᑐᓕᐅᕐᓂᑎᒍᑦ ᑮᓇᐅᔭᓂᒃ ᓂᖏᕐᑎᑕᐅᕙᑦᑎᓗᒋᑦ ᐃᓕᓐᓂᐊᕆᐊᓕᓪᓗᑯᐊᐱᖏᓐᓂᓗ ᐃᓕᓐᓂᐊᑎᕙᑦᓱᒋᑦ.
ᐊᐅᒫᒡᒌᕕᒃ ᓴᓇᓐᖑᐊᑎᓂᒃ, ᐃᓐᖏᖑᐊᕐᑎᓂᒃ, ᐊᓪᓚᖑᐊᕐᑎᓂᒃ ᐊᑐᐊᒐᓕᐅᕐᑎᓂᓗ ᓅᓯᒪᑫᓐᓇᑎᑦᓯᓲᒍᒻᒥᔪᖅ ᖃᐅᔨᔭᐅᓕᐅᒥᑎᒋᐊᕐᓱᒍ ᑕᑯᒥᓇᕐᑐᓕᐅᕐᑎ, ᑐᓴᕐᓂᑐᓕᐅᕐᑎᓘᓐᓃᑦ, ᓴᐳᑦᔨᓯᒪᕙᑦᓱᓂᓗ ᓇᑉᐸᑎᕐᑕᐅᓂᖏᓐᓂᒃ ᓄᓇᓕᓐᓂ ᐃᓪᓗᕈᐊᑦ ᐱᓇᓱᕝᕕᒋᔭᐅᕙᓐᓂᐊᑎᓪᓗᒋᑦ ᓴᓇᓐᖑᐊᑎᓄᑦ, ᐃᓐᖏᖑᐊᕐᑎᓄᑦ, ᐊᓪᓚᖑᐊᕐᑎᓄᑦ ᐊᑐᐊᒐᓕᐅᕐᑎᓄᓗ ᖃᐅᔨᔭᐅᓕᐅᒥᑎᒋᐊᕐᓱᒋᑦ ᐱᓇᓱᐊᓲᖏᑦ ᓄᓇᕕᒻᒥ ᓄᓇᕕᐅᓪᓗ ᓯᓚᑖᓂ.
ᐊᐱᕐᓲᑎᑦᓴᖃᕈᕕᑦ ᐅᖃᐅᓯᑦᓴᖃᕈᕕᓪᓘᓃᑦ ᐊᐅᒫᒡᒌᕕᐅᑉ ᒥᑦᓵᓄᑦ: ᐅᖄᓚᓗᑎᑦ ᐅᕗᖓ: 514-989-9031, ᐅᐃᒍᖓ 246 (ᐅᕗᖓᓘᓐᓃᑦ ᐊᑭᓕᕆᐊᑐᓐᖏᑐᒧᑦ: 1-800-361-5029) ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᓪᓚᓗᑎᑦ ᐅᕗᖓ: aumaaggiivik@avataq.qc.ca
ᐊᕐᓴᓂᒥᒃ ᑐᓂᓕᐅᕆᑎᓪᓗᒍ ᑕᑯᑦᓴᐅᓚᕆᓪᓗᓂ ᓂᐱᓕᐅᕐᓯᒪᖕᖏᓗᓂ ᑕᑯᑦᓴᐅᑎᑦᓯᑎᓪᓗᑕ ᐃᓚᒋᔭᐅᒍᒪᕗᒍᑦ ᔪᓓ 15-ᒍᓕᑐᐊᕐᐸᑦ 1:30-ᖑᑎᓪᓗᒍ ᐅᓪᓗᑯᑦ
ᐊᐅᒻᒫᒡᒌᕕᒃᑯᑎᒍᑦ, ᐊᕙᑕᖅ ᐱᐅᓯᑐᖃᓕᕆᔨᒃᑯᑦ ᓄᓇᕕᒻᒥ ᓴᓇᖕᖑᐊᑎᓂᒃ, ᐃᖕᖏᖑᐊᕐᑎᓂᒃ, ᐊᓪᓚᖑᐊᕐᑎᓂᒃ ᐊᑐᐊᒐᓕᐅᕐᑎᓂᓪᓗ ᑐᕐᖃᑕᕐᕕᒋᔭᐅᓲᑉ ᐅᑎᕐᑐᓴᐅᖕᖏᑐᓂᒃ ᑮᓇᐅᔭᖃᕐᑎᓯᓂᒃᑯᑦ ᐱᓇᓱᐊᕐᑎᓯᒍᑎᖏᑦ ᑮᓇᐅᔦᑦ ᐃᓘᓐᓇᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓂ ᐱᓯᒪᔪᑦ ᐊᒻᒪᓗ ᐊᓯᖏᓐᓂᒃ ᐱᓇᓱᐊᕐᑎᓯᒍᑎᑦᓴᐅᓱᑎᒃ! ᑕᑯᒐᓱᐊᕐᑕᐅᖃᑦᑕᖁᔨᕗᒍᑦ ᖃᓄᐃᓗᕐᑎᓯᓂᖃᕐᒪᖔᑦᑕ ᓄᓇᕕᒻᒥ ᐱᓕᐅᑦᔨᑎᑦᓯᒍᑎᒋᔭᑦᑎᓂᒃ ᐅᑯᓂᖓ
ᑕᑯᒐᓱᐊᖃᑦᑕᕆᑦ ᖃᓄᐃᓕᖓᓕᕐᒪᖔᑦᑕ Facebook-ᑎᒍᑦ
