• Research activities
  • Applications géophysiques sur le site de Tayara (KbFk-7)
  • ᑎᕆᒐᓐᓂᐊᖅ ᐃᓄᓪᓗ
  • ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2010-ᒥ ᐃᑦᓴᓂᑕᕐᓂᐊᓂᕕᓂᕐᓄᑦ ᐊᓪᓚᑐᖅ: Stéphanie Steelandt (ᔅᑎᕙᓂ ᔅᑏᓛᓐᑦ),
  • ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2009-ᒥ ᐃᑦᓴᓂᑕᕐᓂᐊᓂᕕᓂᕐᒧᑦ ᐊᓪᓚᑐᖅ: Andrée-Anne Pharand (ᐊᓐᑦᕇ-ᐋᓐ ᕙᓈᕐ),
  • ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2009-ᒥ ᐃᑦᓴᓂᑕᕐᓂᐊᓂᕕᓂᕐᒧᑦ ᐊᓪᓚᑐᖅ: Sarah Aubé-Michaud (ᓯᐊᔭ ᐅᐲ-ᒥᓲ)
• Dessimination of traditionnal knowledge
• Public presentations
• Publications
• Symposiums and conferences
  • 2012
  • 2011
  • 2010
  • 2009
  • 2008
• Media

ᐱᓇᓱᐊᕐᓂᕕᓃᑦ ᑭᓇᓕᒫᓂᓪᓗ ᑐᓴᐅᒪᑎᑦᓯᓯᐊᕋᓱᐊᕐᓂᖅ

ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2010-ᒥ ᐃᑦᓴᓂᑕᕐᓂᐊᓂᕕᓂᕐᓄᑦ ᐊᓪᓚᑐᖅ: Stéphanie Steelandt (ᔅᑎᕙᓂ ᔅᑏᓛᓐᑦ),

ᕿᔪᑦᓴᑖᕐᕕᐅᒍᓐᓇᑐᕕᓃᑦ ᐱᒻᒪᕆᐊᓗᕕᓂᐅᕗᑦ ᖃᐅᑕᒫᑦ ᐃᓅᓯᖏᑦᑎᒍᑦ ᐃᓄᑐᐃᓐᓇᓗᑐᕐᖄᕕᓃᑦ ᖃᒻᒥᓂᑕᐅᓂᕐᓭᓗ ᐃᓄᐃᑦ ᓄᓇᕕᒻᒥ. ᒪᕆᓪᓕ, ᕿᔪᒃ ᐊᑐᕐᑕᐅᕙᑦᑐᕕᓂᖅ ᓱᓇᑐᐃᓐᓇᓕᒫᓄᑦ ᐊᑦᔨᒌᓐᖏᑐᓄᑦ: ᕿᒥᕐᓗᕈᑎᐅᑦᓱᓂ ᖁᓛᒋᔭᐅᑦᓱᓂᓗ ᖃᕐᒪᓄᑦ, ᐅᒥᐊᕐᓄᑦ (ᐆᑦᑑᑎᒋᓗᒍ: ᖃᔭᕐᓄᑦ, ᖃᒧᑎᓄᑦ), ᐱᐅᑎᓕᐊᕆᔭᐅᑦᓱᓂ (ᐱᑎᑦᓯᒃ), ᐃᓄᓕᕐᑕᓂᒃ ᖃᐅᑕᒫᕐᓯᐅᑎᓕᐊᕆᔭᐅᑦᓱᓂ (ᐆᑦᑐᑎᒋᓗᒍ: ᖃᓗᕋᐅᑎᒃ), ᑕᑯᒥᓇᕈᑎᓕᐊᕆᔭᐅᑦᓱᓂ (ᐃᓄᓐᖑᐊᑦ), ᐃᑯᐊᓚᑦᓯᒍᑕᐅᑦᓱᓂᓗ. ᐅᑭᐅᕐᑕᑐᒥ ᐊᑐᕐᑕᐅᓂᕐᐸᐅᓲᕕᓂᖅ ᕿᔪᒋᔭᐅᑦᓱᓂ ᑎᑦᔭᓗᕕᓂᖅ ᓄᐊᑕᐅᓲᒍᑦᓱᓂ ᓯᑦᔭᓂᑦ, ᐅᑭᐅᕐᑕᑑᓪᓕ ᓯᕿᓂᐊᓂ, ᕿᔪᑦᑖᕈᓐᓇᐸᑦᑐᕕᓂᐅᑎᓗᒋᑦ ᖃᓂᑦᑐᓂᑦ ᓇᐹᕐᑐᓂᑦ ᐅᕝᕙᓘᓐᓃᑦ ᐱᔭᐅᓲᒍᑦᓱᑎᒃ ᓇᐹᕐᑐᐃᓇᐅᑦᓱᓂ ᓇᑎᕐᓈᒥᑦ ᐅᕝᕙᓘᓐᓃᑦ ᐅᑭᐅᕐᑕᑐᒦᑦᓱᓂ ᓇᐹᕐᑐᐃᓇᐅᑦᓱᓂ ᓇᑎᕐᓈᕐᒥᑦ ᓯᕿᓂᕙᓯᕐᒦᑐᓂᑦ. ᐃᓕᓐᓂᐊᕕᕐᔪᐊᒥ ᐃᓕᓐᓂᐊᕇᕈᑎᑖᕋᓱᐊᕐᓗᖓ ᐊᓪᓚᖁᑎᓕᐅᓛᕐᓂᐊᑐᖓ ᓯᓚᐅᑉ ᓄᓇᐅᓪᓗ ᐃᖏᕐᕋᓂᖏᑦᑕ ᐊᑐᐃᓐᓇᐅᓂᖏᓐᓂᒃ ᒪᓕᓪᓗᖓ ᑖᕙᑦᓱᒪᓂ ᕿᔪᑦᓴᑖᕐᕕᐅᒍᓐᓇᑐᒥ ᖃᐅᔨᓴᕐᓗᖓ ᑎᑦᔭᓗᐃᑦ ᖃᖓᓂᑕᐅᒻᒪᖔᑕ ᐊᕙᑎᑦᑎᓄᓪᓗ ᐊᓯᑦᔨᑕᐅᕙᓪᓕᐊᒪᖔᑕ ᑲᓄᐃᑦᑐᓗᑑᒻᒪᖔᑕᓗ ᑎᑦᔭᓗᐃᑦ ᓄᐊᑕᕕᓃᑦ ᑕᓯᐅᔭᕐᔪᐊᑉ ᓯᑦᔭᖓᑕ ᐅᐊᓐᓂᖓᓂᑦ.

ᐊᕐᕕᑕᕐᓱᑕ ᖃᐅᔨᓴᕐᓂᖃᓚᐅᔪᕗᒍᑦ ᔪᓓ 5-ᒥᑦ ᐊᐅᒡᒍᔅᑎ 2-ᒧᑦ, 2010-ᒥ ᓄᓇᕕᒻᒥ ᐱᖓᓱᐃᓂ ᓄᓇᓂ: ᐃᕗᔨᕕᒃ (ᐱᕈᕐᓯᐊᑕᓕᐅᑉ ᓇᑎᕐᓈᖓ), ᐃᓄᑦᔪᐊᖅ (ᐅᑉᐱᑲᕐᑕᓕᐅᑉ ᓇᑎᕐᓈᖓ) ᐊᒻᒪᓗ ᐅᒥᐅᔭᖅ (ᓇᐹᕐᑐᓕᐅᑉ ᓇᑎᕐᓈᖓ) (ᐊᑦᔨᖑᐊᖅ 2). ᑖᒃᑯᓇᓂ ᓄᓇᓂ ᐊᑐᓂᑦ, ᑎᑦᔭᓗᐃᑦ ᓇᕝᕚᑕᐅᔪᑦ ᓯᑦᔭᓂ ᑭᑎᑕᐅᔪᕕᓃᑦ, ᓇᓗᓀᕐᑕᐅᓱᑎᒃ ᓱᕐᖄᑎᕐᑕᐅᓱᑎᓗ (ᑕᑭᓂᖏᑦ, ᖃᓄᐃᓪᓗᐊᓂᖏᑦ, ᐊᕙᓗᔨᓯᒪᓂᖏᓪᓗ) (ᐊᑦᔨᖑᐊᖅ 3). ᕿᔫᓚᐅᕐᑐᕕᓃᑦ ᓄᐊᑕᐅᓚᐅᔪᒻᒥᔪᑦ (ᐊᑦᔨᖑᐊᖅ 4). ᐅᔭᕋᓱᑦᔪᓃᑦᑐᑦ ᐅᕐᔪᐃᑦ ᑎᒍᓚᔭᐅᓚᐅᔪᒻᒥᔪᑦ ᖃᐅᔨᓴᕐᑕᐅᓛᕐᓱᑎᒃ ᐆᒪᔪᐃᑦ ᐱᕈᕐᑐᐃᓗ ᐱᕙᓪᓕᐊᓂᕆᓯᒪᔭᖏᑦ (ᐱᕈᕐᓯᐊᓭᑦ) (ᐊᑦᔨᖑᐊᖅ 5) ᐊᒻᒪᓗ ᓄᓇᐅᑉ ᖄᖓᓃᑦᑐᓂᒃ ᓄᓇᐅᓪᓗ ᖃᓕᐊᕇᓐᓂᖓᓂᒃ ᖃᐅᔨᓴᕐᓂᖃᓚᐅᔪᔪᖅ ᐃᑦᓴᓂᑕᕐᓂᐊᕕᐅᓲᓂ ᓈᒻᒪᓯᓕᑎᕆᒐᓱᐊᕐᑎᓗᒋᑦ ᐃᓚᑰᓂᖏᓐᓂᒃ ᖃᐅᔨᔭᐅᓯᒪᓕᕐᑐᑦ. (ᐊᑦᔨᖑᐊᖅ 6).

ᐃᕗᔨᕕᒻᒥ ᒥᑦᓵᓃᑦᑐᓂᓪᓗ (ᕿᑭᕐᑕᓯᐅᑉ ᐊᓇᐅᓕᕐᕕᖓ ᓄᕘᓪᓗ ᕿᑭᕐᑕᖓ), ᐃᑦᓴᓂᑕᕐᓂᐊᑐᑦ ᐃᑲᔪᕐᑕᐅᓚᐅᔪᔪᑦ Audrey Gervais-ᒧᑦ (ᐋᑦᔨ ᔨᕐᕓ) (ᐃᑦᓴᓂᑕᕐᓂᐊᑎᓂᒃ ᐃᑲᔪᕐᑎ), Sarah-Aubé Michaud-ᒧᑦ (ᓯᐊᔭ-ᐆᐲ ᒥᓲ) (ᐃᓕᓐᓂᐊᕕᕐᔪᐊᒥ ᐃᓕᓐᓂᐊᕇᕈᑎᑖᕆᐊᕕᑦᑐᖅ), Jonathan Pageau-ᒧᑦ (ᔮᓇᑕᓐ ᐸᔫ) (ᐃᑦᓴᓂᑕᕐᓂᐊᑎᓂᒃ ᐃᑲᔪᕐᑎ) ᐊᒻᒪᓗ ᐋᑕᒥ ᑕᕐᕆᐊᓱᒃ (ᐃᓅᑦᓱᓂ ᒪᓕᒐᖅ ᒪᙯᑦᑎᐅᓱᓂᓗ). ᐃᑦᓴᓂᑕᕐᓂᐊᕕᐅᔪᕕᓃᑦ ᑲᓲᑎᑦᓯᐊᑐᑦ Thule KcFs-2-ᒍᓂᕋᕐᑕᐅᑉ ᓇᔪᒐᐅᓚᐅᕐᑐᕕᓂᐅᑉ NK1-ᒍᓂᕋᕐᑕᒥ ᕿᑭᕐᑕᒥ ᐊᒻᒪᓗ KdFr-3-ᒍᓂᕋᕐᑕᒥ ᓇᔪᒐᐅᓚᐅᕐᑐᕕᓂᕐᒥᒃ ᕿᑭᕐᑕᓯᐅᑉ ᐊᓇᐅᓕᕐᕕᖓᑕ ᓂᒡᒋᖓᓂ. ᔪᓓ 16 ᐊᒻᒪᓗ 23 ᐊᑯᓐᓂᖓᓂ, ᕿᓈᔭᖏᓐᓈᓚᐅᔪᔪᑦ ᐃᓄᑦᔪᐊᒥ ᒥᑦᓵᓂᓗ (ᐃᑎᖑᐊᓗᒻᒥ) ᐃᑲᔪᕐᑎᓗᒍ ᑖᒥ ᐅᐃᑖᓗᑦᑐᖅ (ᐊᕙᑕᒃᑯᑦ ᐃᑦᓴᓂᑕᕐᓂᐊᑎᖁᑎᖓ) ᐊᒻᒪᓗ ᔪᐊᓂ ᐃᓓᔭᓯᐊᐱᒃ (ᐃᓅᑦᓱᓂ ᒪᓕᒐᖅ ᒪᙯᑦᑎᐅᓱᓂᓗ). ᐃᑦᓴᓂᑕᕐᓂᐊᑐᑦ ᑕᑯᓐᓇᒐᖃᓗᐊᓐᖑᐊᓚᐅᔪᔪᑦ IbGk-3-ᒍᓂᕋᕐᑕᒥᒃ ᓇᔪᒐᐅᓚᐅᕐᑐᕕᓂᕐᒥᒃ ᐃᑎᖑᐊᓗᒻᒥ. ᑭᖑᓪᓕᐹᒥ, ᒪᕐᕉᓂ ᑭᖑᓪᓕᐹᓐᓂ ᐱᓇᓱᐊᕈᓰᓐᓂ, ᐃᑦᓴᓂᑕᕐᓂᐊᓂᖃᓚᐅᔪᔪᖅ ᐅᒥᐅᔭᕐᒥ ᒥᑦᓵᓂᓗ (ᑕᓯᐅᔭᕐᒥ ᐃᓐᓇᓕᐊᓗᒻᒥᓗ), ᑖᕗᓐᖓᑐᑦ ᑐᓐᖓᓱᑦᑎᑕᐅᓚᐅᔪᔪᑦ ᐃᑲᔪᕐᑕᐅᓱᑎᓗ ᐱᔦᕐ ᑎᕈᓯᔦᕐ-ᒧᑦ (ᐊᕙᑕᒃᑯᑦ ᐃᑦᓴᓂᑕᕐᓂᐊᑎᖁᑎᖓ), ᐋᓐᑎ ᐸᐱᑲᑦᑐᒧᓪᓗ (ᐃᑦᓴᓂᑕᕐᓂᐊᑎᐅᑉ ᐃᑲᔪᕐᑎᖓ), ᒍᐃᓕ ᖁᒫᓗᒻᒧᑦ (ᐃᓅᑦᓱᓂ ᒪᓕᒐᖅ ᒪᙯᑦᑎᐅᓱᓂᓗ) ᐊᒻᒪᓗ John Topping-ᒧᑦ (ᔮᓐ ᑖᐱᖕ) (ᐃᑦᓴᓂᑕᕐᓂᐊᑐᓂᒃ ᐃᑲᔪᕐᑎ). ᐊᕐᔭᓕᓃᑦ ᑕᑯᔭᐅᓯᒪᔪᑦ ᒪᕐᕈᐃᓂ ᐃᓄᑐᐃᓐᓇᓗᑐᕐᖄᕕᓃᑦ ᓇᔪᒐᒋᓚᐅᕐᑕᕕᓂᖏᓐᓂ: HaGbe-7-ᒍᓂᕋᕐᑕᒥ ᓇᔪᒐᐅᓚᐅᕐᑐᕕᓂᕐᒥ ᐃᓄᑦᓱᓕᐊᐱᒻᒥ ᐊᒻᒪᓗ Gulf Hazard-ᒥ HaGda-4-ᒍᓂᕋᕐᑕᒥ ᓇᔪᒐᐅᓚᐅᕐᑐᕕᓂᕐᒥ ᑐᕐᓱᒥ.