ᐱᓇᓱᐊᕐᓂᕕᓃᑦ ᑭᓇᓕᒫᓂᓪᓗ ᑐᓴᐅᒪᑎᑦᓯᓯᐊᕋᓱᐊᕐᓂᖅ

ᓀᓪᓕᑎᕐᓯᒪᔪᖅ ᑐᓴᕐᑎᓯᐅᑎᒃ 2009-ᒥ ᐃᑦᓴᓂᑕᕐᓂᐊᓂᕕᓂᕐᒧᑦ ᐊᓪᓚᑐᖅ: Sarah Aubé-Michaud (ᓯᐊᔭ ᐅᐲ-ᒥᓲ)

ᐊᓪᓚᖁᑎᓕᐅᒋᐊᖃᕐᒪᑦ ᓄᓇᐅᑉ ᖃᓄᐃᓕᖓᓂᖓ ᑌᑦᓱᒪᓂᒋᐊᕐᓗ ᓯᓚᒋᕙᑦᑕᕕᓂᖓ ᑕᓯᐅᔭᕐᔪᐊᑉ ᓄᕘᓪᓗ ᑲᑎᓐᓂᖓᓂ, ᑖᕙᓐᓇᓗ ᖃᐅᔨᓴᕐᓱᒍ ᐃᓄᖃᕈᓐᓇᓂᕐᒪᖔᑦ ᑌᓱᒪᓂᐊᓗᒃ ᐃᓅᕙᑦᑐᕕᓂᕐᓂᒃ (ᐆᑦᑑᑎᒋᓗᒍ ᐃᓄᑐᐃᓐᓇᓗᑐᕐᖄᕕᓃᑦ ᖃᒻᒥᓂᑕᐅᓂᕐᓭᓗ ᐃᓄᐃᑦ ᓄᓇᓕᖏᑦ), ᖃᐅᔨᓴᕐᓂᖃᓚᐅᔪᔪᖅ ᓄᓇᐅᑉ ᖄᖓᓃᑦᑐᓂᒃ ᐃᑦᓴᓂᑕᕐᓂᓗ ᓄᕗᒻᒥ ᕿᑭᕐᑕᒐᓵᓗᓐᓂ (ᐊᑦᔨᖑᐊᖅ 1) 2009 2010-ᓗ ᐊᐅᔭᖏᓐᓂ. ᑖᕙᓐᓇ ᓄᓇᒃ ᐃᕗᔨᕕᒻᒥᑦ ᐅᖓᓯᑦᑕᖃᕐᑐᖅ ᐱᖓᓱᑦ ᒣᓕᓄᑦ, ᐃᕗᔨᕕᓪᓗ ᑕᕐᕋᒦᓐᓂᐹᒍᑦᓱᓂ ᓄᓇᓕᐅᑦᓱᓂ ᑯᐯᒻᒥ. ᑖᓐᓇ ᖃᐅᔨᓴᕐᓂᐅᓚᐅᔪᔪᖅ ᐊᑎᓕᒃ ᐆᒥᖓ: ᓄᓇᐅᑉ ᖃᓄᐃᓕᖓᓂᖓ ᐃᑦᓴᓂᑕᕐᓂᐊᓂᕐᓗ ᓄᕗᒻᒥ ᕿᑭᕐᑕᒐᓵᓗᓐᓂ, ᐃᕗᔨᕕᒃ (ᓄᓇᕕᒃ, ᑲᓇᑕᒥ).

2009 2010-ᓗ ᐊᐅᔭᖏᓐᓂᒃ, ᖃᐅᔨᓴᕐᓂᖃᖃᑦᑕᓚᐅᔪᔪᖅ ᐊᑦᔨᒌᓐᖏᑐᓂ ᓄᓀᑦ ᖄᖏᓐᓂᒃ (ᓇᑎᕐᓈᑦ, ᑕᓰᑦ, ᓇᕐᓭᑦ, ᐊᓯᖏᓪᓗ) ᐅᑯᓇᓂ ᕿᑭᕐᑕᓂ NK-1, NK-2 and NK-3 ᓄᕗᒻᒥ ᕿᑭᕐᑕᒐᓵᓗᓐᓂ ᐱᔭᕇᕐᑕᐅᓚᐅᔪᔪᖅ ᓄᓇᐅᑉ ᖄᖓᓃᑦᑐᑦ ᒥᑦᓵᓄᑦ ᓄᓇᓐᖑᐊᓕᐅᕈᒪᒧᑦ. ᐊᑐᓂᑦ ᓇᑎᕐᓈᖅ (ᐊᑦᔨᖑᐊᖅ 3) ᓇᓗᓀᕐᑕᐅᓚᐅᔪᔪᖅ ᑕᐅᑦᑐᖓᓗ ᓇᓗᓀᕐᑕᐅᓱᓂ, ᓯᐅᐱᕈᐃᓪᓗ ᓄᐊᑕᐅᑦᓱᑎᒃ ᖃᐅᔨᓴᕐᑕᐅᓛᕐᓱᑎᒃ ᖃᖓᓂᑕᐅᒻᒪᖔᑕ ᓄᓇᐅᑉ ᖄᒋᖃᑦᑕᓯᒪᔭᖓ ᖃᓄᐃᑦᑑᕙᓐᓂᒪᖔᑦ ᕿᑭᕐᑕᓂ. ᑕᓪᓕᒪᑦ ᐃᑦᓴᓂᑕᕐᓂᐊᕕᐅᒍᓐᓇᑐᑦ ᓴᒡᒐᑕᐅᓚᐅᔪᔪᑦ (ᐊᑦᔨᖑᐊᖅ 4), ᑕᐅᑦᑐᖏᓪᓗ ᓇᓗᓀᕐᑕᐅᓱᑎᒃ ᓄᓀᓪᓗ ᑎᒍᔭᐅᑦᓱᑎᒃ ᑐᑭᓯᓕᐅᒥᒐᓱᐊᒧᑦ ᓄᓇᐅᑉ ᖄᖓᑕ ᐱᕙᓪᓕᐊᓂᕆᓯᒪᔭᖓᓂᒃ KcFs-2-ᒍᓂᕋᕐᑕᒥ ᐃᑦᓴᓂᑕᕐᓂᐊᕕᒻᒥ.

ᐊᒥᓱᒐᓛᑦ ᓄᓀᑦ ᑎᒍᔭᐅᓚᐅᔪᔪᑦ KcFs-2-ᒍᓂᕋᕐᑕᒥᑦ ᐃᑦᓴᓂᑕᕐᓂᐊᕕᒻᒥᑦ ᓄᐊᑕᐅᑦᓱᑎᒃ ᓴᕕᕋᔭᐅᑦᓱᓂ ᐃᕐᓯᕕᓐᓅᑕᐅᑦᓱᑎᒃ ᐊᑎᓕᓐᓄᑦ ᐆᒥᖓ: Kubiena (cm³). ᐊᒥᑦᑐᐊᐲᑦ ᓄᓀᑦ ᐃᓚᕕᓂᖏᑦ ᐊᖏᓂᖃᕐᓱᑎᒃ ᐃᒣᓪᓗᐊᑐᓂᒃ: (6.5 X 9 or 6 X 10 cm) ᓯᓕᓐᓂᖃᕐᓱᑎᓗ ᐃᒣᓪᓗᐊᑐᓂᒃ 63 μm ᐊᑐᐃᓐᓇᕈᕐᑎᑕᐅᓚᐅᔪᔪᑦ ᖃᐅᔨᓴᕐᑕᐅᒍᒫᕐᓂᐊᓱᑎᒃ ᕿᓐᖑᑎᐊᕈᐊᐱᓐᓄᑦ, ᑕᒪᓐᓇᓗ ᐊᑐᕐᑕᐅᕙᓪᓗᓲᒍᑦᓱᓂ ᖃᐅᔨᒐᓱᐊᕈᑕᐅᑦᓱᓂ ᐱᕙᓪᓕᐊᓂᕕᓂᖏᓐᓂᒃ ᐃᑦᓴᓂᑌᑦ ᒪᓕᑦᓱᑎᒃ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ ᓯᓚᒥᓪᓗ ᑭᖑᓈᕐᓗᓕᐊᖑᕙᑦᑐᓂᒃ.

ᐊᑦᔨᖑᐊᖅ 1: ᖃᐅᔨᓴᕐᑕᐅᔪᕕᓃᑦ, ᓄᕗᒻᒥ ᕿᑭᕐᑕᒐᓵᓗᐃᑦ NK-1, NK-2 and NK-3-ᒍᓂᕋᕐᑌᑦ, ᐃᕗᔨᕕᒻᒥ

ᐊᑦᔨᖑᐊᖅ 2 : KcFs-2-ᒍᓂᕋᕐᑕᖅ ᐃᑦᓴᓂᑕᕐᓂᐊᕕᒃ

ᐊᑦᔨᖑᐊᖅ 3: ᐃᒪᐅᑉ ᐃᑎᓂᒋᕙᑦᑕᕕᓂᖓ, NK-3-ᒍᓂᕋᕐᑕᒥ ᕿᑭᕐᑕᒥ

ᐊᑦᔨᖑᐊᖅ 4 : ᓄᓀᑦ ᐃᑦᓴᓂᑕᕐᓂᐊᕖᑦ ᖄᖏᑦᑕ ᖃᓄᐃᓕᖓᓂᖏᑦ, NK-3-ᒍᓂᕋᕐᑕᒥ ᕿᑭᕐᑕᒥ